«Barselona» klubi «Malaga» prezidenti Abdulla As-Soniyning gaplari yuzasidan bayonot berdi.
«Barselona» klubi «Malaga» prezidenti Abdulla As-Soniyning tvitterda yozgan gaplaridan norozi ekanini ma’lum qiladi. U halol o‘yin, ahloq va qonunga hurmat tamoyillarini buzmoqda.
Biz bu borada Sport oliy kengashining intizom qo‘mitasi, Ispaniya qirolligi futbol federasiyasi va La Liganing huquqiy departamentiga shikoyat qilamiz» - deyiladi bayonotda.
Gap shundaki, ayni paytda «Malaga» klubini boshqarayotgan Migel Michel «Real»ning sobiq futbolchisi hisoblanadi. Yaqinda u «Real»ga chempionlik tilashini, ammo unga qarshi o‘yinda g‘alaba uchun maydonga tushishini aytgandi. Kataloniyaliklar esa «Malaga» «Real»ga qarshilik ko‘rsatmaydi degan gap-so‘zlarni tarqatishgandi. Xususan, bosh murabbiy Luis Enrike kinoya bilan: «Malaga»ning g‘alabasiga umid qilishimiz mumkinmi? Agar buvimning g‘ildiraklari bo‘lganida, u velosipedga aylanib qolardi» - degandi.
As-Soniy esa tvitterda: «Ollohning madadi bilan «Real»ni toshbo‘ron qilamiz. Biroq, Michel haqidagi yolg‘on gaplaridan so‘ng, Kataloniya tashlandiqlari chempionlik ta’mini totmagay» - deb yozgan edi.
