ФИФА ташкилоти Конфедерациялар кубоги – 2017 мусобақасида ишлайдиган ҳакамларни эълон қилди.

Турнирда 5та конфедерациядан таклиф қилинган 9 нафар ҳакам ўйинларни бошқариб боради. Уларнинг ичидаги 2 нафари Осиёдан.

Бош ҳакамлар рўйхати қуйидагича: Фаҳад Ал-Мирдасий (Саудия Арабистони), Алиризо Фағоний (Эрон), Бакари Гассама (Гамбия), Вилльям Гейгер (АҚШ), Нестор Питана (Аргентина), Вильмар Ролдан (Колумбия), Милорад Мажич (Сербия), Жанлука Рокки (Италия) ва Дамир Скомина (Словения).

Ҳамюртимиз Равшан Эрматов ҳам бу мусобақада иштирок этади ва видеоассистент сифатида иш олиб боради.