"Барселона" техник директори Роберт Фернандеснинг хабарига кўра, Лионель Мессининг шартномани узайтириш борасидаги музокаралари муваффақиятли кечмоқда.
Андрес Иньеста эса бу мавзуга мавсум охирида қайтишини маълум қилган. Уларнинг келишувлари 2018 йилнинг ёзида ниҳоясига етади.
"Иньеста ва Месси тез орада янги битимга имзо чекишади. Иньеста мавсум охиригача кутишини айтди. У ҳурматга лойиқ инсон, шуни хоҳлабдими, демак кутамиз.
Месси билан эса музокаралар муваффақиятли кечмоқда. Лекин бу бироз вақт олади. Клуб тез орада у билан келишув амалга ошгани хусусида расман маълумот тарқатади", - дейди Фернандес Goal порталига берган интервьюсида.
