“Қизилқум” – “Насаф” (1:1) учрашувидан кейин навоийликлар бош мураббийи Ҳамиджон Актамов учрашув ҳақида шундай деди:

-“Насаф” мамлакатимизнинг энг кучли жамоаларидан бири ҳисобланади. Шу сабаб бу баҳсга жиддий ҳозирлик кўрган эдик. Гарчи ўйинда ҳисобни очган бўлсакда, якунда ғалабани сақлаб қола олмадик. Учрашув шиддатли, мухлисларбоп кечди, деб айта оламан. Айниқса, иккинчи бўлимда ҳар иккала жамоа гол киритиб, ғалаба қозонишга астойдил интилди. Ўйин охирида Алланиязов озгина аниқроқ ҳаракат қилганида, ғалаба қозонишимиз ҳам мумкин эди. Ўша вазиятда омад биздан юз ўгирди.