"Монако" ҳужумчиси Килиан Мбаппе ЕЧЛ яримфиналида "Ювентус"га қарши биринчи учрашув олдидан фикрлари билан ўртоқлашди.

"Биз 4–4–2 схемасида ўйнаймиз. Фалькао марказий ҳужумчи вазифасини бажарадаи, мен эса қанотларда ўйнайман.

Менга майдонда эркин ҳаракатланиш ёқади, мураббий ҳам менга эркинлик беради. Мен чапда, ўнгда ёки марказда ўйнашим мумкин. Бу менга ёқади ва бунинг учун мураббийдан миннатдорман.

Жамоамизда яхши футболчилар кўп, ҳаммамиз жамоа учун ишлаймиз, шунинг учун голларни турли ўйинчилар уради.

"Ювентус" - буюк клуб, унинг тарихини, буюк футболчиларини ҳамма билади. Улар мусобақа фаворити бўлмиш "Барселона"дан ўтдилар.

Уларда чемпионлар лигаси ғолиби бўлиш учун ҳамма нарса бор, аммо биз ҳам финалга чиқишга ҳаракат қиламиз.

Буффон? У тарихда из қолдирган дарвозабон, дунёнинг энг яхшиларидан бири. Унга қарши ўйнашимдан мамнунман.

Биз Буффон каби футболчиларга қарши ўйнаш учун ҳар куни меҳнат қиламиз. Имконият бўлса, бор кучимизни ишга солиб, унга гол уришга ҳаракат қиламиз", - дейди Мбаппе.