"Monako" hujumchisi Kilian Mbappe YECHL yarimfinalida "Yuventus"ga qarshi birinchi uchrashuv oldidan fikrlari bilan o‘rtoqlashdi.

"Biz 4–4–2 sxemasida o‘ynaymiz. Falkao markaziy hujumchi vazifasini bajaradai, men esa qanotlarda o‘ynayman.

Menga maydonda erkin harakatlanish yoqadi, murabbiy ham menga erkinlik beradi. Men chapda, o‘ngda yoki markazda o‘ynashim mumkin. Bu menga yoqadi va buning uchun murabbiydan minnatdorman.

Jamoamizda yaxshi futbolchilar ko‘p, hammamiz jamoa uchun ishlaymiz, shuning uchun gollarni turli o‘yinchilar uradi.

"Yuventus" - buyuk klub, uning tarixini, buyuk futbolchilarini hamma biladi. Ular musobaqa favoriti bo‘lmish "Barselona"dan o‘tdilar.

Ularda chempionlar ligasi g‘olibi bo‘lish uchun hamma narsa bor, ammo biz ham finalga chiqishga harakat qilamiz.

Buffon? U tarixda iz qoldirgan darvozabon, dunyoning eng yaxshilaridan biri. Unga qarshi o‘ynashimdan mamnunman.

Biz Buffon kabi futbolchilarga qarshi o‘ynash uchun har kuni mehnat qilamiz. Imkoniyat bo‘lsa, bor kuchimizni ishga solib, unga gol urishga harakat qilamiz", - deydi Mbappe.