"Интер" клуби келаётган ёзда яримҳимоячи Жоау Мариу ва ҳужумчи Габриэл Барбоза бўйича тушадиган таклифларни кўриб чиқишга тайёр.
Premium Sport хабарига кўра, агар уларга сарфланган маблағларнинг катта қисми қопланадиган бўлса, ўтган ёзда сотиб олинган футболчиларга бошқа клубга кетишга рухсат бирилади.
Эслатиб ўтамиз, португалиялик яримҳимоячи Евро-2016 дан сўнг 40 миллионга сотиб олинган, "Габигол" учун эса миланликлар "Сантос"га 29,5 миллион евро сарфлаганлар. Аммо бразилиялик ҳужумчи бор-йўғи 153 дақиқа ўйнаб, битта гол урган.