«Арсенал» яримҳимоячиси Месут Ўзил мавсум охирида жамоани тарк этиши мумкин.
28 ёшли футболчининг шартномаси 2018 йилда якунига етади ва у ҳали узайтирилмади.
The Telegraph хабарига кўра, «Арсенал» футболчига янги шартнома таклиф қилган, аммо у уни имзолашга шошилмаяпти. Энди «канонирлар» бошқа клубларнинг футболчи борасида берадиган таклифларини ўрганиб чиқмоқчи.
Айни пайтда Ўзил билан «Фенербахче» қизиқмоқда. Аммо турклар футболчининг маошини кўтара олмаса керак. Ўзилнинг трансфер нархи тахминан 42,5 млн еврога тенг.
