«Интер» ҳимоячиси Юто Нагатомо А сериядан ўрин олган «Наполи»га (0:1) қарши ўйиндаги хатосига изоҳ берди.

Айнан унинг хатосидан сўнг, «Интер» ўйин тақдирини ҳал қилган голни ўтказиб юборганди.

«Италияда майдондаги ишларинг юришса, сени кўкларга кўтариб юборишади. Агар хатога йўл қўйсанг – шу заҳоти танқид қилиб, худди жиноятчидек ҳақорат қилишади. Бу ишда на маънавият, на ҳурмат бор.

Етти йилдан буён шундай талабчан мамлакатда тўп сурмоқдаман, бундан фахрланаман. Буни кўплар эплолмайди. Мана шу нарса мени узоқни кўзлаб, олдинга қараб ҳаракатлантирмоқда» - деб ёзди Нагатомо твиттерда.