"Манчестер Юнайтед" клуби "Атлетико" ҳужумчиси Антуан Гризманн билан беш йиллик шартнома борасида келишиб олди, дея хабар беради The Sun.
Футболчи англияликлар сафида ҳафтасига 280 минг фунт маош олиши мумкин.
Манбада айтилишича, Гризманн клуб раҳбарияти жамоа таркибини кучайтириш ва чемпионлар лигасига йўл олишни кафолатлаганларидан сўнг манчестерликлар сафига ўтишга рози бўлган.
Гризманнинг "Атлетико" билан шартномаси 2021 йилгача тузилган, футболчи учун тўланадиган товон пули 89 млн фунт қилиб белгиланган.
Футболчи "Атлетико"да ушбу мавсум 49 учрашув ўтказган ва 25 та гол уриб, 11 голга тўп оширган.
