«Манчестер Сити» ҳужумчиси Келечи Ихеаначо ёзда жамоасини ўзгартиради.

Нигериялик 20 ёшли футболчи бош мураббий Хосеп Гвардиоланинг режаларига кирмаган, чунки унинг ўйин услубига мос эмас.

Ихеаначо бир қатор клубларни қизиқтирмоқда. Уларнинг орасида «Ҳоффенҳайм» ҳам бор. Немислар футболчи билан музокара ўтказиш учун рухсат олишди ва ой охирида у билан учрашишни режалаштирмоқда.

«Манчестер Сити» Ихеаначони ижарага бериши ёки қайта харид қилиш ҳуқуқи билан сотиб юбориши мумкин. У «Сити» таркибида жами 44 ўйин ўтказиб, 12та гол урган ва 5та голга ҳаммуаллифлик қилган.