Англия терма жамоаси ва “Манчестер Юнайтед”нинг собиқ ҳужумчиси Тедди Шерингем жамоадаги кўп сонли жароҳатлар туфайли тушунликка тушмай ўзини қўлга олиб, мавсумни кучли тўртликда якунлаш учун барча ишни амалга оширишга ундамоқда.

“Менинг фикримча “Юнайтед” Европа лигасида зафар қучади. Лекин футболчилар кучли квартет таркибига кириш учун курашишлари шарт.

Биласизки, норасмий стандартлар бор, шунинг учун ҳам “қизил иблислар” бор кучи билан ҳаракат қилиши лозим”, - дейди Шерингам. 

Ҳозирда “қизил иблислар” бешинчи поғонада боришмоқда ва “Манчестер Сити”дан бир очко ортда қолишмоқда.