Мадриднинг “Реал” клуби 10 май куни “Атлетико” билан ЕЧЛ ярим финал босқичи жавоб учрашувини ўтказиш учун “Висенте Кальдерон” стадионида майдонга тушади.
“Қироллик клуби” бош мураббийи Зинеддин Зидан айнан шу ўйин ҳақида ўз фикрларини билдириб ўтди.
“Биз олдимизда турган яна учта ўйинда ғалаба қозонишдан ташқари, чоршанба куни “Атлетико” тўсиғидан ўтишимиз керак бўлади.
“Реал” – мусобақа финалига чиқиш учун ўзининг энг сифатли ўйинини намойиш этиши даркор. Европа Чемпионлар лигаси финалига чиқишда ярим финалда ўйналган икки ўйин натижаси муҳим саналади”, - дейди Зидан.
