Испания пойтахтида «Mutua Madrid Open» теннис мусобақаси давом этмоқда.
ATP таснифига кирувчи ва мукофот жамғармаси 5,5 млн доллар бўлган турнирнинг саралаш босқичида ҳамюртимиз Денис Истомин испаниялик Иниго Сервантес ва АҚШлик Жаред Дональдсонни мағлуб этиб, асосий босқичга йўл олган эди.
Турнирнинг асосий босқичи 1-даврасида Истомин чехиялик Томаш Бердихга қарши кортга чиқиб, икки сет натижасига кўра мағлубиятга учради ва мусобақани тарк этди.
Мадрид, Испания
6 – 14 май 2017
Мукофот жамғармаси – 5 439 350 доллар, очиқ кортлар, грунт
Асосий босқич, 1-давра
Денис Истомин (Ўзбекистон) – Томаш Бердих (Чехия) – 0:2 (4:6, 4:6)
