Дортмунднинг «Боруссия» клуби бош мураббий Томас Тухель билан ҳамкорликни узмоқчи эмас.
Клуб ижрочи директорининг маслаҳатчиси Олаф Майнкин хабарига кўра, раҳбарият мутахассис билан юзага келган келишмовчиликларни бартараф қилмоқчи.
«Мақсадимиз – Томас Тухелни бош мураббий сифатида сақлаб қолиш. Унинг истеъфоси ҳақидаги гапларни тўхташини истаймиз. Мухлисларимизни ҳам хотиржам қилмоқчимиз» - деди Майнкин Sport1.de хабарида.
Аввалроқ, Тухель ЕЧЛ чоракфиналидан ўрин олган «Монако»га қарши ўйинни бир кун кейинга сурилганидан норози бўлиб, раҳбарият билан жанжаллашиб қолгани ва истеъфога чиқиши мумкинлиги ҳақида хабарлар чиққан эди.
