Жанубий Америкада Суперкубок учун баҳс ўтказилди.
Унда Колумбиянинг «Атлетико Насьонал» ва Бразилиянинг «Шапекоэнсе» клублари тўқнаш келди.
Дастлабки ўйинда бразилияликлар ўз майдонида 2:1 ҳисобида ғалаба қозонди. Жавоб ўйинида 4:1 ҳисобида колумбияликларнинг қўли баланд келди ва Суперкубок уларга насиб қилди.
Эслатиб ўтамиз, ўтган йили ноябрь ойида «Шапекоэнсе» клубининг деярли барча аъзоси авиаҳалоктда қурбон бўлган эди. Бироқ, жамоа раҳбарияти қисқа вақт ичида янги футболчиларни тўплаб, Санта-Катарина штати чемпионатида ғолиб чиқишга муваффақ бўлди.
