«Реал» клуби ЕЧЛ яримфиналида икки ўйин натижасига кўра «Атлетико» (3:0, 1:2) тўсиғидан ўтди.

Натижада, «Қироллик клуби» қаторасига 2-марта ҳал қилувчи баҳсда иштирок этадиган бўлди. Ўтган мавсум финалида «Реал» айнан «Атлетико»ни (1:1, пен. 5:3) мағлуб этиб, бош совринни қўлга киритганди.

Қизиғи шундаки, Чемпионлар лигаси ташкил қилинган 1992 йилдан буён ҳеч бир клуб қаторасига икки марта турнирда ғолиб чиқолмаган.

Амалдаги чемпион 4 марта финалга чиқиб, барчасида ютқазган - «Милан» (1995), «Аякс» (1996), «Ювентус» (1997) ва «Манчестер Юнайтед» (2009).

Эслатиб ўтамиз, Чемпионлар лигаси финали 3 июнь куни Кардифф шаҳрида ўтказилади. Унда «Реал» «Ювентус» билан баҳслашади.