"Челси" бош мураббийи Антонио Конте АПЛнинг 37-турида "Вест Бромвич"га қарши сафар учрашуви олдидан фикрларини билдирди.

12 май кунги ушбу учрашувда лондонликлар ғалаба қозонсалар Англия чемпиони номини муддатидан аввл қўлга киритадилар.

"Жароҳатланганлар йўқ, ҳамма соғ. Биз мақсадимизга жуда яқин турибмиз, аммо биз уч очко олишимиз керак. Футболчилар диққатларини жамлаганлар ва ҳозир энг муҳим палла эканини ҳис қиляптилар. "Вест Бромвич" "Стэмфорд Бриж"да зўр ўйин кўрсатган эди, буни эътиборга олишимиз керак.

Бу мавсумда бизга осон бўлмади. Кўплаб муаммоларга дуч келдик. Клубга, футболчиларга ва ходимларга миннатдорчилик билдираман. Ишим қойилмақом тарзда тугашини истайман, чунки иккитагина имконият қолди. "Челси" блан икки йиллик шартномам бор, аммо мен ҳозир билан яшаяпман", - дейди Конте.