Дортмунднинг «Боруссия» клуби бош мураббийи Томас Тухел келаси мавсумда ҳам жамоани бошқаришига шубҳа қилди.
«Бу саволни менга берманг. Шу ҳафтада юз берган воқеадан сўнг, жамоада бош мураббий бўлиб қоламан десам, соддалик қилган бўламан» - деди Тухел Sport1 хабарида.
Аввалроқ, Томас Тухел клуб раҳбарияти билан тортишиб қолгани ҳақида хабар берилганди. Хусусан, мутахассис автобус олдида юз берган портлашдан сўнг, «Монако»га қарши ЕЧЛ чоракфинал ўйинини бир кунга қолдириш ҳақидаги раҳбарият қароридан норози бўлган. Тухелнинг фикрига кўра, юз берган мудҳиш воқеадан сўнг, тикланиб олиш учун бир кун камлик қилган ва жамоа "Монако"га (2:3) ҳисобида ютқазган.
