«Реал» яримҳимоячиси Гарет Бэйл ёзги трансфер мавсумида шов-шувга сабаб бўлиши мумкин.
The Independent хабарига кўра, 27 ёшли футболчи «МЮ» клубига ўтишга яқин турибди.
«Реал» президенти Флорентино Перес Бэйлни Роналдуга ўринбосар бўлади деб ҳисоблаб, 2013 йилда Мадридга олиб келганди. Аммо футболчи жароҳатлар гирдобида қолиб кетиб, умидларни оқламади.
Переснинг фикрига кўра, Бэйлга сарфланган 101 млн евро маблағни қайтариб олиш учун ҳозирда қулай вазият юзага келган. Мулозим уни 120 млн еврога сотишни мўлжалламоқда.
Гаретнинг ўзи ҳам Англияга қайтишга қарши эмас. У мухлисларнинг танқидларидан безор бўлган. Бундан ташқари, Мадридда ўтказган 4 мавсуми давомида 17 марта жароҳат олиши ҳам футболчининг жонига теккан ва у вазиятни ўзгартиришга қаттиқ бел боғлаган.
