Бугун Испаниянинг Барселона автодромида Формула 1 пойгалари бўйича 2017 йилги мавсумнинг 5чи Гран Приси саралаши бўлиб ўтди.
Квалификацияда кутилганидек ғолиблик учун икки жамоа кураш олиб борди. Мерседес ва Феррари болидлари курашида бу сафар германияликлар устун келди.
Мерседес жамоасининг британиялик пойгачиси Люис Ҳэмилтон мавсумдаги 3-поулини қўлга киритди. Шу билан биргаликда у фаолиятидаги поуллари сонини 64тага етказиб олди.
Ҳэмилтон бир айланани 1:19:149 да босиб ўтди. Ундан 0:00:051 га ортда қолган Себастян Феттел эса эртага иккинчи поғонадан старт оладиган бўлди. Учинчи ва тўртинчи ўринлардан эса Валтерри Боттас ва Кими Райконен старт олишади.
Барселона Гран Приси асосий пойгаси эртага Тошкент вақти билан соат 17:00да старт олади.
