"Манчестер Сити"нинг собиқ бош мураббийи Роберто Манчини Италия мураббийлар мактаби ҳақида фахрланиб гапирди.
"Челси" устози Антонио Конте АПЛда ғолиб чиққан тўртинчи италиялик мураббий бўлди. Аввал бу натижага Клаудио Раньери, Карло Анчелотти ва Манчини эришган.
"Италиялик мураббийарни дунёда энг яхшилар деб ўйлайман. Бизнинг мутахассислар бошқалардан кўра тактик томондан жуда маҳоратли, доим шундай бўлиб келган.
Бу - италиялик мураббийлар исталган лигада ишлай оладилар деганию Италиялик тўрт мутахассис Англия чемпионатида ғолиб чиққани ажойиб. Охирги 20 йилда англиялик тўрт мутахассис бу чемпионатда бу натижага эриша олган дея олмайман.
Биз анъанани йўлга қўйдик ва унинг давом этишига умид қиламиз. Чет элда италияликларнинг муваффаққият қозонишлари муҳим", - дейди Манчини.
