«Севилья» бош мураббийи Хорхе Сампаоли Примера 37-туридан ўрин олган «Реал»га қарши ўйиндан олдин ўз фикрларини айтди.

«Реал» ўтган ҳафтада яхши натижага эришиб, кайфиятини кўтариб олди. Айни пайтда «Реал» дунёнинг энг яхши клубидир.

Биз ғалаба қозониш учун жуда яхши ўйин намойиш қилишимиз шарт. Испания кубогининг Мадридда ўтган дастлабки ўйинида йирик ҳисобда ютқаздик. Бу хатоларни такрорламаслигимиз лозим.

Бу ўйинда бор кучимизни ишга солишимиз талаб қилинади. Агар ғалаба қозонсак, мавсумни яхши якунлаган бўламиз.

Мадридга Чемпионлар лигаси йўлланмаси учун борамиз. У ерда кимга дуч келишимизнинг аҳамияти йўқ» - деди Хорхе Сампаоли Marca хабарида.