УЕФА президенти Александер Чеферин Чемпионлар лигаси ва Европа лигасида ғолиб чиққанларнинг тақдирлаш маросимига ўзгартириш киритди.
Бундан буён соврин стадион трибунасида эмас, балки майдонда топшириладиган бўлди.
«Майдон — футболчилар саҳнасидир ва уларнинг ютуқлари шу ерда нишонланиши керак. Расмий шахслар ҳам трибунадан пастга тушиб, футболчиларни майдонда тақдирлаб, уларга эҳтиром намойиш қилиши лозим.
Бундан ташқари, бу мухлислар учун ҳам қулай. Улар кубокни боши узра кўтарган жамоани стадионнинг қаерида ўтиришидан қатъий назар, аниқ кўриб туриш имкониятига эга бўлади» - деди Чеферин УЕФА матбуот хизмати хабарида.
Эслатиб ўтамиз, Чемпионлар лигаси финали 3 июнь куни Кардиффда, Европа лигаси финали 24 май куни Стокҳолмда ўтказилади.
