«Зенит»нинг Крестовский оролида барпо этилган янги стадионидаги муаммолар кўпаймоқда.
Стадион атрофини ободонлаштириш ишлари бўйича буюртма олган "Леокам" фирмаси хабарига кўра, иншоот барпо қилинганда қурувчилар катта ҳажмдаги ишларни бажармай қолдиргани аниқланган. Хусусан, улар стадион атрофига 600 минг кубометр ёки 20 минг самосвал қумни ётқизмаган. Бундан ташқари, тошдан қилинган свайлар ўрнатилмаган ва қирғоқни мустаҳкамлаш учун зарур бўлган ишлар бажарилмаган. Фирма вакилининг хабарига кўра, бундай сифатсиз ишлар оқибатида стадион атрофидаги асфальтнинг таги тез орада ботқоқликка айланиши мумкин.
Эслатиб ўтамиз, «Крестовский» оролида қурилган стадионга кетган маблағ 1 млрд доллардан ошиб кетди ва бу рекорд натижадир. Унда Конфедерациялар кубоги – 2017 ва ЖЧ-2018 ўйинлари ўтказилиши керак.
