«Zenit»ning Krestovskiy orolida barpo etilgan yangi stadionidagi muammolar ko‘paymoqda.
Stadion atrofini obodonlashtirish ishlari bo‘yicha buyurtma olgan "Leokam" firmasi xabariga ko‘ra, inshoot barpo qilinganda quruvchilar katta hajmdagi ishlarni bajarmay qoldirgani aniqlangan. Xususan, ular stadion atrofiga 600 ming kubometr yoki 20 ming samosval qumni yotqizmagan. Bundan tashqari, toshdan qilingan svaylar o‘rnatilmagan va qirg‘oqni mustahkamlash uchun zarur bo‘lgan ishlar bajarilmagan. Firma vakilining xabariga ko‘ra, bunday sifatsiz ishlar oqibatida stadion atrofidagi asfaltning tagi tez orada botqoqlikka aylanishi mumkin.
Eslatib o‘tamiz, «Krestovskiy» orolida qurilgan stadionga ketgan mablag‘ 1 mlrd dollardan oshib ketdi va bu rekord natijadir. Unda Konfederasiyalar kubogi – 2017 va JCH-2018 o‘yinlari o‘tkazilishi kerak.
