“Насаф” – “Машъал” учрашувидан кейин меҳмон жамоа устози Александр Хомяков ўйин ҳақидаги з фикрлари билан ўртоқлашди.

-Бугун биз шиддатли учрашув гувоҳи бўлдик. Бу дерби. Дербида жамоалар  турнир жадвалидаги мақомига қарамасдан ана шундай кескин ўйин намойиш этишади. Дербида кучли жамоа ғалаба қозонади. Бугун мағлубиятга учраган бўлсакда, футболчиларимиз ажойиб ўйин намойиш этишди. Афсуски яратилган вазиятларни голга айлантира олмадик. Аммо ўйинчиларимизга эътирозим йўқ. Улар бугун астойдил ҳаракат қилишди. Ноилож кейинги ўйинларга яхшироқ тайёргарлик кўрамиз.

Ўйинчиларимиз қўпол ўйнашди? Бунақа ўйинларда футболчилар ўз ҳаяжонини жиловлай олишмай қолишади. Тўғри, баъзан ўйинчиларимиз қўполлик ҳам ишлатишди, бунинг эвазига бир ўйинчимиз майдондан ҳам четлатилди. Бунга албатта эътибор қаратамиз. Тушунинг, бунақа ўйинларда футболчилар ғалаба иштиёқида,  баъзан ўзларини назорат ҳам қила олишмайди. Қолаверса, бунақа ўйиндаги мағлубият улар учун ҳақоратдек бўлади. Бугунги ўйин шундай кечди.

Шунингдек бугун ўйинчиларимизда совуққонлик ҳам етишмади. Бунинг эвазига хатоларга ҳам йўл қўйдик. Умуман олганда стадионга ташриф буюрган мухлислар бугун зерикиб қолишмади,-дея фикрларига якун ясади Хомяков