Олий лиганинг 11-туридан ўрин олган "Бухоро" - "Навбаҳор" (3:3) учрашувини бошқарган ҳакамнинг иши иснпектор томонидан паст баҳога лойиқ кўрилди.

Ўйинда бош ҳакам бўлиб ишлаган Темур Тўхтасинов 11-турда ҳамкасблари орасида энг паст баҳони олди. Меҳмонлар дарвозасига учта пенальти белгилаган андижонлик реферининг бу ўйиндаги иши 7,2 баллга лойиқ кўрилди. Ўртача баҳо олиш борасида эса Тўхтасинов (7,94) жорий мавсум Олий лигада ишлаб келаётган 15 ҳакам орасида энг сўнгги ўринда бормоқда. Бу борада Равшан Эрматов (9,1) биринчи поғонада.

39 ёшли Тўхтасиновнинг иши иккинчи маротаба 8 баллдан паст баҳоланди. Аввалроқ, 5-турда ("Навбаҳор" - "Машъал", 1:0) ҳам унинг иши 8 баҳодан камга лойиқ кўрилган эди.