«Кристал Пэлас» бош мураббийи Сэм Эллардайс АПЛ раҳбариятини кескин танқид остига олди.
Мутахассис «МЮ» клубига қарши якшанба куни ўтказиладиган сўнгги тур ўйинини шанба кунига кўчириш лозим эди деб ҳисобламоқда ва бу борада «МЮ» устози Жозе Моуриньо билан ҳамфикр эканини билдирди.
«МЮ»га қарши ўйинимизни шанба кунига кўчириш лозим эди. Натижада «МЮ» Европа лигаси финалига яхшироқ тайёргарлик кўрган бўларди. Бошқа мамлакатлар ўз клубларига еврокубокларда ғалаба қозониш учун ёрдам беришмоқда, фақат Англия эмас. Бу – шармандалик.
Биз клубларимизнинг Европада ғалаба қозонмаётганидан нолиймиз. Аммо «МЮ»нинг тақвимига назар солинг, улар мавсумдаги 64-ўйинни ўтказмоқда. Бизга қарши ўйиннинг ҳеч қандай аҳамияти йўқ ва уни бемалол кўчириш мумкин эди. Афсуски клублар Премьер-лигадан ҳеч қандай ёрдам олмаяпти» - деди Эллардайс Manchester Evening News хабарида.
Аввалроқ, Жозе Моуриньо «Кристал Пэлас»га қарши ўйинда ёшлар таркибини туширишини айтганди.
