Аргентина футбол уюшмаси ёзги ўртоқлик ўйинларига чақирилган футболчилар рўйхатини эълон қилди.

Таркибдан 20 нафар футболчи ўрин олган бўлиб, улариннг ичида «Интер» ҳужумчиси Мауро Икарди ҳам бор. Қизиғи шундаки, 24 ёшли футболчи шу пайтгача «альбиселесте» таркибида фақат битта учрашувда, 2013 йилда майдонга тушган.

Аргентина терма жамоасининг тўлиқ таркиби қўйидагича:

Дарвозабонлар: Серхио Ромеро («Манчестер Юнайтед»), Науэль Гусман («УАНЛ Тигрес»), Херонимо Рульи («Реал Сосьедад»);

Футболчилар: Николас Отаменди («Манчестер Сити»), Хавьер Маскерано («Барселона»), Эмануэль Маммана («Лион»), Габриэль Меркадо («Севилья»), Эдуардо Сальвио («Бенфика»), Лукас Билья («Лацио»), Гидо Родригес («Тихуана»), Леонардо Паредес («Рома»), Эвер Банега («Интер»), Мануэль Лансини («Вест Ҳэм»), Анхел Ди Мария («ПСЖ»), Алехандро Гомес («Аталанта»), Хоакин Корреа («Севилья»), Пауло Дибала («Ювентус»), Мауро Икарди («Интер»), Гонсало Игуаин («Ювентус»), Лионель Месси («Барселона»).

Аргентина 9 июнь куни Мельбурнда Бразилия билан, 13 июнь куни Сингапурда маҳаллий терма жамоа билан ўртоқлик ўйини ўтказади.