Argentina futbol uyushmasi yozgi o‘rtoqlik o‘yinlariga chaqirilgan futbolchilar ro‘yxatini e’lon qildi.
Tarkibdan 20 nafar futbolchi o‘rin olgan bo‘lib, ularinng ichida «Inter» hujumchisi Mauro Ikardi ham bor. Qizig‘i shundaki, 24 yoshli futbolchi shu paytgacha «albiseleste» tarkibida faqat bitta uchrashuvda, 2013 yilda maydonga tushgan.
Argentina terma jamoasining to‘liq tarkibi qo‘yidagicha:
Darvozabonlar: Serxio Romero («Manchester Yunayted»), Nauel Gusman («UANL Tigres»), Xeronimo Ruli («Real Sosyedad»);
Futbolchilar: Nikolas Otamendi («Manchester Siti»), Xavyer Maskerano («Barselona»), Emanuel Mammana («Lion»), Gabriel Merkado («Sevilya»), Eduardo Salvio («Benfika»), Lukas Bilya («Lasio»), Gido Rodriges («Tixuana»), Leonardo Paredes («Roma»), Ever Banega («Inter»), Manuel Lansini («Vest Hem»), Anxel Di Mariya («PSJ»), Alexandro Gomes («Atalanta»), Xoakin Korrea («Sevilya»), Paulo Dibala («Yuventus»), Mauro Ikardi («Inter»), Gonsalo Iguain («Yuventus»), Lionel Messi («Barselona»).
Argentina 9 iyun kuni Melburnda Braziliya bilan, 13 iyun kuni Singapurda mahalliy terma jamoa bilan o‘rtoqlik o‘yini o‘tkazadi.
