«Челси» бош мураббийи Антонио Конте жорий мавсумдаги муваффақиятига изоҳ берди.
«Англия чемпиони бўлсам керак деб ўйлагандим, бироқ бу воқеанинг бунчалик тез юз беришини кутмагандим. Бу кутилмаган ҳодиса бўлди. Италиялик мураббий сифатида хорижда зафар қучиш – мен учун муҳим. Бу ватанимдан фахрланиш имкониятини беради.
Италиялик мураббийларнинг хориждаги муваффақияти сири – А сериядир. Бизнинг чемпионат жозибали бўлмаслиги мумкин, аммо энг қийинидир. Шу туфайли, кимки Италияда ғолиб чиқса, бу ишни дунёнинг исталган бурчагида амалга оширишга қодир» - деди Конте Rai Sport хабарида.
