Биласиз, Олий Лига 11-тур учрашувлари доирасида “Локомотив” “Қўқон-1912” майдонига сафар уюштирди.

Мазкур учрашувга тайёргарлик жараёнида "темирйўлчилар"нинг тажрибали ҳимоячиларидан бири  Ислом Тўхтахўжаев тизза бўғимини шикастлаб олди. Шу сабабли маҳоратли футболчи ўша учрашув қайдномасига киритилган бўлса-да, аммо майдонга туша олмади. Тиббий текширув натижаларига кўра Тўхтахўжаевнинг тизза бўғими ички ён бойлами чўзилган ва қисман йиртилган бўлиб чиқди. Бу эса унинг яқин муддат ичига мўлжалланган учрашувларни ўтказиб юборишини билдиради.

Мазкур жароҳат туфайли Тўхтахўжаев Ўзбекистон терма жамоасининг Эронга қарши ўйинини ҳам ўтказиб юбориши мумкин.

Таъкидлаш жоизки, айни дамда "Локомотив" футболчилари — Саламат Қутибоев ҳамда Икром Алибоев ҳам жароҳатини даволаш билан банд.