«Арсенал» бош мураббийи Арсен Венгер мавсум якунларига изоҳ берди.
Жамоа АПЛ сўнгги турида бир футболчи кам бўлиб ўйнаса-да, «Эвертон»ни 3:1 ҳисобида мағлуб этган эди.
«Арсенал»нинг Чемпионлар лигасидан четда қолгани аламли бўлди. Бизга бир очко етишмади, айнан шу туфайли ЕЧЛ йўлланмаси ва мукофотларидан қуруқ қоладиган бўлдик.
Биз Косельни четлатилганидан сўнг, бир футболчи кам бўлиб ўйнадик. Четлатишнинг қанчалик адолатли эканини билмайман. Биз икки нафар марказий ҳимоячидан ажралдик. Англия кубоги финалидан олдин бу катта йўқотиш» - деди Венгер BBC хабарида.
