«Челси» сардори Жон Терри футболчилик фаолиятидаги дастлабки қадамларни эслади.
«Челси» тақдиримдан муҳим жой эгаллади. 14 ёшимда жамоага келиб, стадион ва унинг ҳожатхоналарини тозалаганман. Футболчиларнинг пойабзалини артиб берганман. Астойдил меҳнат қилиб, кўп нарсалардан воз кечишимга тўғри келган. Балки мана шулар туфайли муваффақият қозонгандирман.
2004/05 мавсумда биринчи марта чемпион бўлдим. Бу жуда таъсирли воқеа эди. Аммо сўнгги совринимни ҳам у билан бемалол тенглаштирсам бўлади» – деди Терри клуб расмий сайтининг хабарида.
Эслатиб ўтамиз, Терри ёзда «Челси»ни тарк этади.
