Ўзбекистон кубоги 1/8 финалидан ўрин олган “Локомотив” – “Қизилқум” (5:0) ўйинидан кейин “темирйўлчилар” устози Андрей Микляев ўз фикрини айтди.

"Якунда қайд этилган ҳисоб ўйинга мос бўлди, дея оламан. Зеро бугун биз рақибдан устунлик қила олдик. Майдонга тушиб ғалабага хисса қўшган барча йигитларга миннатдорчилик билдираман.

Бугун жароҳат туфайли бир неча нафар футболчи учрашувда иштирок эта олмади. Масалан, Икром Алибоевда жароҳат бор. Яқинда Ислом Тўхтахўжаев ҳам жароҳат орттириб олди. Ислом яқин 2-3 ҳафта майдонга туша олмайди. Кейинги ўйинларни таркибда бор футболчилар билан ўтказишга мажбурмиз.

Ёзда таркибда ўзгаришлар бўладими, йўқми – бунисини кўрамиз. Айни пайтда тиғиз тақвим асосида ўйнаётганимиз боис янги ўйинчилар ҳаракатини кузата олмаяпман" - деди тажрибали мутахассис.