Биринчи лигада 11-тур ўйинлари ўтказилди.
Андижонда маҳаллий жамоа «Хоразм» клубини қабул қилди.
Биринчи бўлим мезбонларнинг устунлиги остида ўтди. 28-дақиқада тажрибали ҳужумчи Анвар Бердиев ўйинда ҳисобни очди. Ойбек Нурматовнинг бурчакдан оширган тўпини у боши билан дарвозага йўллади.
Иккинчи бўлим асабий тарзда кечди. Жамоа футболчилари кетма-кет қўполликларга йўл қўя бошлади. Натижада, 57-дақиқада «Андижон» футболчиси Санжар Асқаралиев майдондан четлатилди. Бундан хоразмликлар унумли фойдаланиб қолишди. 61-дақиқада Ойбек Нурбаев майдон марказидан тўпни ҳаволатиб жарима майдонига етказиб бергач, Ербол Сейтназаров қаршисидаги ҳимоячи ва дарвозабонни алдаб ўтиб, дарвозани аниқ нишонга олди – 1:1.
63-дақиқада меҳмонлар ҳужумчиси Тимур Бекчанов майдондан четлатилди. Натижада таркиблар тенглашиб қолди.
79-дақиқада меҳмонларнинг қарши ҳужуми самарали якунланди. Сардор Матмуротов ўнг қанотдан тўпни ҳаволатиб жарима майдонига оширди, Темур Исмоилов эса тўпни дарвозага аниқ йўллади – 1:2.
Аммо меҳмонлар қувончи узоққа чўзилмади. 84-дақиқада Анвар Бердиев гол уриб, ҳисобни тенглаштирди. Ўйин 2:2 ҳисобидаги дуранг натижа билан якунланди.
Биринчи лига, 11-тур
АНДИЖОН - ХОРАЗМ - 2:2 (1:0)
Голлар: Анвар Бердиев (28, 84) - Ербол Сейтназаров (61), Темур Исмоилов (79)
«Андижон»: 95. Баракатилло Исроилов 4. Дилмурод Маҳмудов 6. Иброҳим Отахонов (С) 7. Шаҳбоз Жумабоев 8. Фарҳод Бекмуратов 10. Анвар Бердиев 15. Абдурасул Комилов 21. Муҳаммадюсуф Абдумажидов 23. Санжар Асқаралиев 26. Қаҳрамон Маҳамаджонов 70. Ойбек Нурматов.
Захира: 34. Лочин Долимов 11. Фарруҳ Шотурсунов 18. Абдулазиз Ёқубов 20. Кемран Наджафалиев 22. Мақсуд Маҳмудов 29. Бахтиёр Қосимов 77. Шаҳзод Каримов.
«Хоразм»: 35. Ғайрат Ўдаев (С) 4. Айбек Нурбоев 5. Равшан Султонов 8. Абдумалик Тошпўлатов 10. Тимур Бекчанов 11. Сардор Матмуротов 12. Жасур Отажонов 13. Муҳаммадқодир Раҳимберганов 15. Зоҳид Раупов 16. Камрон Абдулҳамидов 17. Ербол Сейтназаров.
Захира: 30. Элдор Шуҳратбеков 2. Бахтишод Йўлдошев 6. Ҳамро Қодиров 7. Темур Исмоилов 9. Жавлон Примбетов 14. Нодирбек Собиров 18. Дилшод Ярашев.
Четлатиш: Асқаралиев (57) – Бекчанов (63)
