"Реал" бош мураббийи Зинедин Зидан "Ювентус"даги ҳамкасби Массимилиано Аллегри шаънига илиқ сўзларни аямади.
Испан ва итальян грандлари чемпионлар лигаси финалида учрашадилар.
"Аллегри ўзи бошдан кечираётган воқеаларга муносиб деб ўйлайман. У дунёнинг энг яхши мураббийлари қаторига киришини исботлаб қўйган. Аллегри бу "Ювентус"ни қайта қурди, камида ўйинини яхшилади.
Албатта, омад клуб ва футболчиларнинг меҳнатига ҳам боғлиқ, аммо биринчи ўринда бу лойиҳани бошқараётган мураббий туради. Мен Аллегрини жуда ҳурмат қиламан", - дейди Зидан.
"Реал" ва "Ювентус" ўртасидаги ЕЧЛ финал учрашуви 3 июнь куни Кардиффда бўлиб ўтади.
