Биринчи лига 11-турида Уйчининг «Хотира-79» жамоаси ўз майдонида «Цементчи»ни қабул қилди.
Ўйин меҳмонларнинг 1:0 ҳисобидаги ғалабаси билан тугади.
Баҳсдан сўнг, мезбонлар устози Меҳмон Солихўжаев мухлислар олдига чиқиб, жамоанинг аянчли аҳволи ҳақида гапирди.
«Ўйинда йигитлар имконияти борича ҳаракат қилди. Рақиб жамоа биздан кучлилигини исботлади. Мағлубиятларга учрашимизга қарамай ўйингоҳга ташриф буюраётган сизлар каби ишқибозларга раҳмат айтаман. Тўғрисини айтганда, жамоамизда пул йўқ. Агарда пулимиз бўлганда ҳозирги футболчилар жамоамизда тўп сурмасди. Бунданда кучлиларини сафга чорлар эдик. Мана, «Косонсой» жамоаси ҳам шу йўсинда йўқ бўлиб кетди. Наилож, ҳозирча имконимиз шу холос» - деди мураббий.
Айни пайтда «Хотира-79» мусобақа жадвалида 11 очко билан 11-ўринда бормоқда.
