«Ювентус» клуби Погбанинг «МЮ» клубига трансферида йўл қўйилган қоидабузарлик учун ФИФА томонидан жазоланади.
Football Leaks хабарига кўра, дастлаб туринликлар футболчининг агенти Мино Райола билан трансфер нархи 90 млн евро, агент комиссияси 18 млн евро бўлиши ҳақида келишиб олган.
Кейинчалик, трансфер нархининг устига қўшилган ҳар 5 млн евро учун, Райола яна 3 млн евро олиши ҳақида битим имзоланган. Якунда Погба «МЮ» клубига 105 млн еврога сотилган, Райола эса 27 млн евро олган. Шартнома бандларини ўрганиб чиққан ФИФА комиссияси аъзоларининг фикрига кўра, бунда футболчиларнинг трансфер ҳуқуқига учинчи шахсларнинг эгалик қилишига қўйилган тақиқ бузилган.
Энди ФИФА «Ювентус» клубини 60 минг евро миқдорида жаримага тортади.
Умумий ҳисобда Мино Райола Погбанинг трансферидан 49 миллион евро ишлаб олган. У «МЮ» клубидан ҳам катта пул ундиришга муваффақ бўлган.
