«Yuventus» klubi Pogbaning «MYU» klubiga transferida yo‘l qo‘yilgan qoidabuzarlik uchun FIFA tomonidan jazolanadi.
Football Leaks xabariga ko‘ra, dastlab turinliklar futbolchining agenti Mino Rayola bilan transfer narxi 90 mln yevro, agent komissiyasi 18 mln yevro bo‘lishi haqida kelishib olgan.
Kyeyinchalik, transfer narxining ustiga qo‘shilgan har 5 mln yevro uchun, Rayola yana 3 mln yevro olishi haqida bitim imzolangan. Yakunda Pogba «MYU» klubiga 105 mln yevroga sotilgan, Rayola esa 27 mln yevro olgan. Shartnoma bandlarini o‘rganib chiqqan FIFA komissiyasi a’zolarining fikriga ko‘ra, bunda futbolchilarning transfer huquqiga uchinchi shaxslarning egalik qilishiga qo‘yilgan taqiq buzilgan.
Endi FIFA «Yuventus» klubini 60 ming yevro miqdorida jarimaga tortadi.
Umumiy hisobda Mino Rayola Pogbaning transferidan 49 million yevro ishlab olgan. U «MYU» klubidan ham katta pul undirishga muvaffaq bo‘lgan.
