"Челси" яримҳимоячиси Эден Азар шартномасининг узайтирилиши ва "Эвертон" ҳужумчиси Ромелу Лукакунинг "кўклар" сафига ўтиш эҳтимоли ҳақида ҳазиллашди.
"Айни пайтда янги шартнома борасида музокара олиб бормяпмиз ва мавсум тугашини кутяпмиз. Мен мутлақо хотиржамман. Агар келиша олмасак, бошқа вариантларни кўриб чиқамиз. Аммо ҳозир "Челси"да бахтиёрман. Терма жамоадан қайтганимдан сўнг клуб билан келажагимни ҳал қиламиз.
Агар шартнома имзоласам, "Челси"нинг Лукакуга пули етмай қолиши мумкин. Ҳазил. Ким келса ҳам янги мавсумга тайёрланамиз, - дейди Азар.
