"Челси" дарвозабони Тибо Куртуа лондонликлар сафида қолиш истагини маълум қилди.
"Биз ҳали клуб билан янги шартнома борасида муҳокамага ўтирганимиз йўқ, аммо мен "Челси"да бахтиёрман. Умид қиламанки, мени яхши шартнома билан мукофотлайдилар, агар шундай бўлса, уни имзолайман", - дейди Куртуа.
Бельгиялик дарвозабоннинг "Челси" билан амалдаги шартномаси 2019 йилгача тузилган. Куртуа бу мавсумда АПЛнинг 36 та учрашувида ўйнади, улардан 16 тасида дарвозасидан гол ўтказмади. Тибо умумий ҳисобда 28 та гол ўтказди ва битта сариқ карточка олди.
