«Ҳаддерсфилд» бош мураббийи Дэвид Вагнер «Рединг» устидан ғалаба қозониб, АПЛга чиққанидан сўнг, ўз фикрларини билдирди.
«Кўплаб экспертлар мавсум бошида бизга ишонмаганди. Янги йилга яқин қолганида, барча рақиблар билан ўйнаб чиққанимиздан сўнг, имконият борлигига ишонгандим. Ҳозир бўлган воқеа ғаройиб тарих, эртак. Одатда АПЛга чиқиш учун 3-4 йил керак бўлади. Жуда хурсандман. Бу ерга келганимда ҳамма менда тажриба йўқлигини, Британия футболини тушунмаслигимни, футбол ўйнамаганимни айтганди. Истак ва юракдан ишлаш тажрибадан кўра муҳимроқлигини таъкидлагандим», – деди Вагнер.
