"Рома" клубининг спорт директори Рамон Родригес Мончи жамоа бош мураббийи Лучано Спалеттининг клубни тарк этиш қарорига муносабатини билдирди.
"Бизнинг ниятимиз Лучанони жамоада олиб қолиш эди, аммо биз унинг кетишини назарда тутган ҳолда муқобил вариантлар устида ҳам ишладик. Биз келгуси мавсумда жамоани ким бошқариши мумкинлигини аниқ тушунамиз ва бунинг устида ишлаяпмиз.
Бизга аниқ ғояга эга бўлган, меҳнат этикасига амал қиладиган, клуб фалсафасини ва қадриятларини тушуна оладиган ва ғолиблик руҳи мавжуд мураббий керак. Спалеттига келсак, умид қиламанки, келажакда яна йўлларимиз туташади", - дейди Мончи.
