"Милан" клубининг 18 ёшли посбони Жанлуижи Доннарумманинг агенти Мино Райола мижозининг келажаги ҳақида гапирди. Посбоннинг шартномаси 2018 йилнинг ёзигача тузилган.

"Жижжи яна ўсиши мумкин, аммо у хотиржам ривожланиши учун уни тинч қўйиш керак. У қул ҳам, робот ҳам эмас. Унга 11 та топ-клуб қизиқмоқда. Агар савол туғилса, бу ечилиши керак.

Мен ҳеч қачон янги раҳбарият билан янги шартнома боасида гаплашмадим. Мухлислар нимани ҳис қилишаётганини тушуниб турибман. Жижжи клубнинг тимсоли ҳисобланади. Клубининг янги эгалари у билан бугуноқ шартномани узайтиришни истайдилар.

Аммо Фассоне ва Мирабелли энди ишга киришдилар. Бизга хотиржам ишлашга изн беринг. Агар мендан Доннарумма шартнома имзолайдими, деб сўрасангиз, "ҳа" дейман. Агар у "Милан"ни тарк этадими, деб сўрасангиз ҳам - "ҳа" дейман", - дейди Райола.