Аргентина терма жамоаси янги бош мураббийга эга бўлди. «Севилья» клуби собиқ бош мураббийи Хорхе Сампаоли терма жамоа бош мураббийига айланди. Бу ҳақда Аргентина футбол ассоциацияси твиттери хабар тарқатди.

«Умид қиламан, мен шакллантирадиган жамоа мухлисларга катта қувонч келтиради. Жипслашган жамоани ташкил қилмоқчиман. Шахсан ўзим терма жамоа мухлисиман ва жамоанинг ўсиши учун қўлимдан келган барча ишни қиламан. Биз ўзимизнинг оптимал ўйинимизни топишимиз керак ва ёшлар жамоаларида таҳлил ўтказишимиз лозим. Шунингдек, Бразилия ва Сингапурга қарши бўладиган ўйинларга қандай ёндашиш лозимлиги ҳақида ўйлашимиз керак. Шубҳасиз, бу ўйинларга бизга боғламларни синовдан ўтказишда ёрдам беради», — деди Сампаоли.

Аргентина терма жамоаси июнь ойида 2та ўртоқлик ўйини ўтказади: 9 июнь куни — Бразилия, 13 июнь куни — Сингапур билан.