Argentina terma jamoasi yangi bosh murabbiyga ega bo‘ldi. «Sevilya» klubi sobiq bosh murabbiyi Xorxe Sampaoli terma jamoa bosh murabbiyiga aylandi. Bu haqda Argentina futbol assosiasiyasi tvitteri xabar tarqatdi.

«Umid qilaman, men shakllantiradigan jamoa muxlislarga katta quvonch keltiradi. Jipslashgan jamoani tashkil qilmoqchiman. Shaxsan o‘zim terma jamoa muxlisiman va jamoaning o‘sishi uchun qo‘limdan kelgan barcha ishni qilaman. Biz o‘zimizning optimal o‘yinimizni topishimiz kerak va yoshlar jamoalarida tahlil o‘tkazishimiz lozim. Shuningdek, Braziliya va Singapurga qarshi bo‘ladigan o‘yinlarga qanday yondashish lozimligi haqida o‘ylashimiz kerak. Shubhasiz, bu o‘yinlarga bizga bog‘lamlarni sinovdan o‘tkazishda yordam beradi», — dedi Sampaoli.

Argentina terma jamoasi iyun oyida 2ta o‘rtoqlik o‘yini o‘tkazadi: 9 iyun kuni — Braziliya, 13 iyun kuni — Singapur bilan.