"Манчестер Юнайтед" клуби "Интер" билан яримҳимоячи Иван Перишичнинг трансферини келишиб олди, дея хабар беради Gazetta dello Sport.
Томонлар футболчи учун тўланадиган товон пули 52 млн евро бўлишига келишиб олдилар.
Шунингдек, нашрда ёзилишича, "МЮ" айни пайтда Перишич билан шахсий шартнома борасида музокара олиб боряпти. Тахмин қилинишича, футболчи Манчестерда йилига 7 млн евро ишлаб топади.
Перишич ўтган мавсумда "Интер" сафида 41 учрашувда иштирок этиб, 10 та гол урган ва 10 та голга тўп оширган. 28 ёшли футболчининг миланликлар билан шартномаси 2020 йилда ниҳоясига етади.
