"Барселона"нинг собиқ ҳимоячиси, ҳозирда "Ювентус" футболчиси Дани Алвес каталонияликларнинг собиқ устози Хосеп Гвардиола ҳақида фикр билдирди.
"Агар компьютер сўзи Стив Жобс билан боғланса, унда футбол - Гвардиола билан. У даҳо мутахассис. Пеп ўйинни бошидан охиригача майдонда нима бўлишини чизиб берар эди. "Реал"ни 5:0 га ютган ўйинимиз олдидан, у менга шундай деган эди: "Тўпни оловли шар деб ҳис қилгин, уни ярим секунддан кўп ушлаб турма ва улар сенга прессинг қила олмайдилар Шунда биз осон ғалаба қозонамиз".
Унинг кўрсатмаларидан сўнг биз майдонга шу даражада тайёр ҳолатда тушдикки, гўё рақибни ютиб бўлгандек эдик. Гвардиола мени тўсиз ўйнашга ўргатган биринчи мураббий бўлади", - дейди Алвес.
